رۆژی 13ی ئایار 2024 لەشاری هەولێر، زریان رۆژهەڵاتی بەڕێوەبەری ناوەندی لێکۆڵینەوەی رووداو لەگەڵ لیو جیون، کۆنسوڵی گشتیى کۆماری گەلی چین لە هەرێمی کوردستان كۆبووەوە.
لە کۆبوونەوەکەدا گفتوگۆ لەبارەی پەیوەندییەکانی چین و هەرێمی کوردستان و سیاسەتی چین لە عێراق و هەرێمی کوردستان و رووداوە سیاسییەکانی ناوچەکە کرا. هەروەها، لە درێژەی کۆبوونەوەکەدا، کۆنسوڵی گشتی چین لە هەرێمی کوردستان ئامادەیی نیشاندا بۆ هاوکاری و بەشداری خۆی و بەرپرسانی دیکەی وڵاتەکەی لە کار و چالاکییەکانی ناوەندی لێکۆڵینەوەی رووداو.
