چالاکییەکان

ناوەندی لێکۆڵینەوەی رووداو بریفینگێکی بۆ فەریق جەمال ئیمنکی، سوپاسالاری هێزی پێشمەرگەی کوردستان بە ناونیشانی تەگەرە ئەمنی و سەربازییەكانی 2022 ی هەرێمی كوردستان لەسەر سێ تەوەری سەرەکی بەڕێوەبەربرد. یەکەمیان – هەڕەشەی داعش و میلیشیاکان بۆ سەر هەرێمی کوردستان و ناوچە کوردستانییەکانی دەرەوەی هەرێمی کوردستان، دووەمیان- هاوئاهەنگی سەربازی نێوان هەرێمی کوردستان و هێزە چەکدارەکانی عێراق و هاوپەیمانی نێودەوڵەتی و سێیەمیان: پرسی چەک و چاکسازییەکانی وەزارەتی پێشمەرگە بوو.

رۆژی 24ی تشرینی یەکەمی 2021 ناوەندی لێکۆڵینەوەی رووداو لە مێزگردێکدا بەناونیشانی تەگەرەکانی عێراق لەقۆناخی دوای هەڵبژاردن بە بەشداریی سەرکردەی لایەنە سیاسییە عێراقی و کوردستانییەکان و شرۆڤەکاران و بەڕێوەبەرانی ناوەندەکانی لێکۆڵینەوە لە ناوەڕاست و باشووری عێراق و هەرێمی کوردستان کە سێ تەوەری سەرەکی لەخۆگرتبوو، کاریگەری ئەنجامەکان لەسەر هاوسەنگی هێز و سەقامگیریی ناوخۆیی، داهاتووی هەوڵەکانی پێکهێنانی حکومەت، خواستی زۆرینە یان حکومەتێکی تەوافوقی و بژاردەکانی هەرێـمی کوردستان. سەدر، مالیکی، یان رێگایەکی سێیەم بەڕێوەبرد.

رۆژانی 25 و 26ی ئەیلوول 2021 ناوەندی لێکۆڵینەوەی رووداو بە هاوبەشی لەگەڵ ناوەندی فەرەنسی بۆ توێژینەوە لەسەر عێراق، باڵێوزخانەی فەرەنسا لە بەغدا و گۆڤاری کۆنفلیوانس بە ئامادەبوونی سەرۆکی هەرێمی کوردستان و باڵیۆزی فەڕەنسا لە عێراق و دیبلۆماتکاران و لێکۆڵینڤانانی ناوخۆیی و دەرەکی لە چەند پانیڵ و گفتوگۆی کراوەی جیاوازدا. گەنگەشەی 100 ساڵەی درووستبوونی عێراق لە هۆتێل رۆتانا لە هەولێری پایتەخت بەڕێوەچوو.

رۆژی 20ی ئەیلوول، 2021 ناوەندی لێکۆڵینەوەی رووداو لە كۆنفرانسێكی یەك رۆژەدا رەهەندە جیاوازەكانی هەڵبژاردنی 2021 و جیاوازییەكانی لەگەڵ ئەوانەی رابردوو، چاوەڕوانییەكان و كاریگەرییەكەی لەسەر داهاتووی عێراق لە 5 پانیلی جیاوازدا بەڕێوەبرد، كە گرنگترین مژارەكانی ئەمانە بوون:

داهاتووی پەیوەندییەکانی تورکیا – عێراق و هەرێمی کوردستان بە ئامادەبوونی بەرپرسان و لێکۆڵینڤانانی تورکیا و هەرێمی کوردستان و عێراق لە شاری هەولێر بەڕێوەبرد.

رۆژی 16ی حوزەیران 2021 ناوەندی لیکۆڵینەوەی رووداو لە دوو پانیڵی جیاوازدا و بە بەشداریی لێکٶلەران، پسپۆڕان و بەرپرسانی یەکەمی پارتە سیاسییەکانی رۆژهەڵاتی کوردستان لە ناوەندی لێکۆڵینەوەی رووداو لەهەولێر تیشکی خستەسەر هەڵبژاردنی سەرۆککوماری لە ئێران-2021.

نوێنەری نەتەوەیەکگرتووەکان بۆ سندوقی چالاکی دانیشتوان UNFPA لە عێراق رایگەیاند ” بڕیارە سەرژمێری عێراق لە ئەمساڵدا بەرێوەبجێت، هیوادارم دوانەخرێت، ئەگەر دواشبخرێت ساڵی داهاتوو یاخود بەزووترین کات بکرێت، هەروەها ئەمڕۆ عێراق رووبەڕووی زیادبوونی ژمارەی گرووپی دانیشتوانی گەنج دەبێتەوە”